மேலோட்டமாகப் பார்த்தால் ஒன்றுமில்லையென்று தோன்றினாலும் மிகத்தீவிரமான ஒரு சிக்கல் குறித்து இன்று பேசலாம் என்று தோன்றியது. தமிழ் பட்டிமன்ற வடிவில் சொல்வதென்றால் ’செய்யறிவு (AI – Artificial Intelligence) வரமா சாபமா’ என்பதுதான் தலைப்பு….
மனிதர் செய்ய மிச்சம் என்னதான் இருக்கிறது என்கிற கேள்வி எழாமல் இல்லை. இன்னும் அதிக அறிவு தேவைப்படும் வேலைகளை மனிதர்கள் செய்வார்கள் என்று பதில் கூறுகிறார்கள். செல்லிடப்பேசிகள் வந்து எஸ்டிடி பூத்களை ஒழித்தது போல சில வேலைகள் வழக்கொழியும். அலார்ம் க்ளாக் கண்டுபிடிக்கும் முன்பு காலையில் எழுப்பிவிடுவதுகூட ஒரு வேலையாக இருந்ததாம். வேலை இழப்பைப் பற்றிக் கவலை கொள்ளாமல் ப்ராம்ட் என்ஜினியர், ஏஐ ட்ரெயினர், பிக் டேட்டா என்ஜினியர், எம்எல் என்ஜினியர், டேட்டா சயின்டிஸ்ட் என உருவாகப்போகும் ஏகப்பட்ட வேலை வாய்ப்புகளைப் பயன்படுத்த நம்மைத் தயார் செய்துகொள்ளலாம்.
